साउदी अरेबियाले गैरकानुनी कामदार विरुद्धको कारबाहीलाई तिव्र बनाएपछि थप हजारौंलाई पक्राउ गरिएको छ । साउदी गृह मन्त्रालयका अनुसार एक साताभित्र विभिन्न क्षेत्रबाट आवास तथा श्रम ऐन र सीमा सुरक्षा नियम उल्लङ्घन गर्ने १६ हजार ८ सय ९९ जनालाई पक्राउ गरिएको हो ।
मङ्सिर १४ देखि २० गतेसम्मको साता राज्यका विभिन्न भागमा सुरक्षा बलका विभिन्न इकाइले गरेको संयुक्त फिल्ड अपरेशनका क्रममा उनीहरुलाई पक्राउ गरिएको गृह मन्त्रालयले जनाएको छ । पक्राउ पर्नेमा रेसिडेन्सी प्रणाली उल्लंघन गर्ने १० हजार ८ सय ५६, ३ जना रहेका छन् । सीमा सुरक्षा नियम उल्लंघन गर्ने हजार ९३४ र श्रम कानून उल्लंघन गर्ने २ हजार ६७३
राज्यमा सीमा पार गर्न खोज्दा ७ सय ६९ जना व्यक्ति पक्राउ परेका थिए । जसमा ३९ प्रतिशत यमनी, ५८ प्रतिशत इथियोपियाली र ३ प्रतिशत अन्य राष्ट्रियताका थिए । यस्तै, ८० उल्लंघनकारी साउदी अरेबियाबाट बाहिर जान सीमा पार गर्न खोज्दा पक्राउ परेका थिए ।
ती मध्ये, सुरक्षा बलले कानून उल्लङ्घन गर्नेहरूलाई ओसारपसार गर्ने र आश्रय दिने ११ जनालाई पनि पक्राउ गरेको साउदी राजपत्रले जावाजतलाई उद्धृत गर्दै जनाएको छ। उनीहरु सबैलाई कानुनी प्रक्रिया पूरा गरी देश निकाला गरिनेछ । हाल ५२ हजार ३६९ कानुन उल्लङ्घन गर्नेहरू नियम उल्लङ्घन गर्ने प्रक्रियामा छन् जसमा ४६ हजार ४३१ पुरुष र ५ हजार ९३८ महिला छन् ।
तीमध्ये ४६ हजार ७ सय ४३ उल्लंघनकारीलाई यात्रा कागजात प्राप्त गर्न तिनीहरूको कूटनीतिक नियोगमा पठाइएको छ भने १ हजार ७ सय १६ उल्लंघनकर्तालाई यात्रा अनुमति लिएर स्वदेश फिर्ता पठाउने तयारी भइरहेको जनाएको छ । अहिलेसम्म ९ हजार १ सय ४७ उल्लंघनकारीलाई देशनिकाला गरिसकिएको जनाएको छ ।यो समाचार राजधानी दैनिकमा छ ।
घुसपैठ गर्ने, राज्य प्रवेशमा सहजीकरण गर्ने, ढुवानी, आश्रय दिने, कुनै सहयोग वा सेवा प्रदान गर्नेलाई १५ वर्षसम्म कैद र अधिकतम १० लाख साउदी रियाल जरिमानाको सजाय हुने त्यहाँको गृह मन्त्रालयले जनाएको छ । पछिल्लो समय साउदीले भिसाको म्याद सकिएर लुकिछिपी बस्ने आप्रवासीलाई लक्षित गरी धडपकड अभियान तीव्र पारेसँगै गैरकानुनी रूपमा त्यहाँ कार्यरत सयौं नेपाली पनि पक्राउ परेका र हाल उनीहरूलाई जेलमा राखिएको र जेल अवधि समाप्त भएपछि आवश्यक कानुनी प्रक्रिया पूरा गरी डिपोर्ट गर्ने गरेको छ ।
